ტომ ჰოლანდმა ზენდეიას ახალი სასმელების ხაზი მიუძღვნა.

30 წლის მსახიობმა, რომელიც უალკოჰოლო ლუდის ბრენდის — Bero-ს — თანადამფუძნებელია, 1-ელ ივნისს ბრენდის ახალი, შანდების (ლუდისა და ლიმონათის ნაზავი) ხაზი წარადგინა. ჰოლანდის თქმით, ახალი სასმელი მისი პარტნიორისთვის, ზენდეიასთვის შექმნა.

"ზენდეია ლუდის მოყვარული არაა, ამიტომ მინდოდა შემექმნა რაღაც ახალი, რაც მასაც მოეწონებოდა," — განაცხადა მსახიობმა.

ფოტო: Elle

ახალი სასმლის 30%-ს წარმოადგენს Bero-ს უალკოჰოლო ლაგერი — Kingston Golden Pils, 70%-ს კი — ლიმონათისა და ხილის არომატები.

სასმელი ოთხი სხვადასხვა გემოთი იქნება წარმოდგენილი:

  • Daybreak Shandy — ლიმონისა და ლაიმის არომატით;
  • Golden Hour Shandy — ვარდისფერი გრეიპფრუტის არომატით;
  • Sunset Shandy — ანწლის ყვავილისა და ლიმონის არომატით;
  • Midnight Shandy — მაყვლისა და იუზუს ციტრუსოვანი არომატით.

ფოტო: FNBX

ტომ ჰოლანდმა ალკოჰოლზე უარი 2022 წლის იანვარში თქვა, ხოლო Bero ოფიციალურად 2024 წლის 15 ოქტომბერს დააარსა. ბრენდის მაღაზიებში გამოჩენისას ჰოლანდმა აღნიშნა: "როდესაც უალკოჰოლო სასმელების სამყაროში შევაბიჯე, მივხვდი, რომ პრემიუმ ხარისხის ბრენდების ნაკლებობა იყო".

გასაკვირი არაა, რომ ზენდეია ბრენდის აქტიური მხარდამჭერია. 2024 წლის ოქტომბერში ის Bero-ს ქუდითაც გამოჩნდა.

ფოტო: Marie Claire