"შენდობას წინ ყოველთვის უძღვის სინანული, ეს არის ერის კანონი და ეს არის ეკლესიის კანონიც", — ამის შესახებ შალვა პაპუაშვილმა ჟურნალისტებთან პატიმრების შეწყალებაზე დასმული კითხვის საპასუხოდ განაცხადა. მისი თქმით, შეწყალება მისი კომპეტენცია არ არის, თუმცა "შენდობა ყოველთვის წინ უნდა უძღოდეს სინანული".

"უპირველეს ყოვლისა, შეწყალება ჩემი კომპეტენცია არ გახლავთ. თუმცა, შემიძლია გითხრათ ერთი რამ, რომ შენდობას წინ ყოველთვის უძღვის სინანული, ეს არის ერის კანონი და ეს არის ეკლესიის კანონიც. ამიტომ ითქვა არაერთხელ, რომ მნიშვნელოვანია, უპირველეს ყოვლისა, სანამ ვინმე ისაუბრებს შეწყალებაზე, ისაუბროს სინანულზე. არის თუ არა სინანული იმ ადამიანებში, რომლებმაც სცადეს ადამიანების ცოცხლად დაწვა მოლოტოვის კოქტეილებით, არის თუ არა სინანული იმ ადამიანებში, რომლებმაც სცადეს საქართველოს პარლამენტის გადაწვა, არის თუ არა სინანული იმ ადამიანებში, რომლებმაც სცადეს ქვეყნის დამხობა. ამიტომ შენდობა ყოველთვის წინ უნდა უძღოდეს სინანული," — განაცხადა შალვა პაპუაშვილმა.