ირაკლი კობახიძის მიერ განხორციელებულ საკადრო ცვლილებებს ქართული ოცნების საპარლამენტო უმრავლესობის ლიდერი, ირაკლი კირცხალიაც სოციალურ ქსელში გამოეხმაურა.

კირცხალიას შეფასებით, მამუკა მდინარაძის პოლიტიკაში დაბრუნება სახელისუფლო გუნდს მნიშვნელოვნად გააძლიერებს.

"ვულოცავ მამუკა მდინარაძეს ამ მნიშვნელოვან წინსვლას და დარწმუნებული ვარ, სამართალდამცავი ორგანოების კოორდინაცია-ხელმძღვანელობაც ძალიან წარმატებით გამოუვა ისევე, როგორც პოლიტიკა, სადაც მისი დაბრუნება ჩვენი გუნდისთვის მნიშვნელოვანი გაძლიერებაა!" — წერს ის.

ცნობისთვის, ქართულ ოცნებაში საკადრო ცვლილებები 21 აპრილს განხორციელდა. ამის შესახებ ბრიფინგზე ირაკლი კობახიძემ განაცხადა. მისი თქმით, შს მინისტრმა გეკა გელაძემ სუს-ის უფროსის პოსტზე მამუკა მდინარაძე ჩაანაცვლა. თავის მხრივ — სუს-ის უფროსი მამუკა მდინარაძე სამართალდამცავი ორგანოების კოორდინაციის საკითხებში სახელმწიფო მინისტრად დაინიშნება და ვიცეპრემიერობასაც შეითავსებს.