იტალიური მედიის ცნობით, 17 თებერვალს, გუდაურში, იტალიელი ტურისტი პიეტრო ბალარინი უბედური შემთხვევის შედეგად გარდაიცვალა. 20 წლის ახალგაზრდა საქართველოში მეგობრებთან ერთად იმყოფებოდა და თხილამურებით სრიალისას დაიღუპა.

არსებული ინფორმაციით, ბალარინი გამოცდილი მოთხილამურე იყო. შემთხვევა მოულოდნელად მოხდა. მეგობრების ჯგუფი საქართველოში რამდენიმე დღის წინ ჩამოვიდა, ხოლო პირველი დღე, ცუდი ამინდის გამო მხოლოდ ვარჯიშს დაუთმო.

დაღუპულის ოჯახი უკვე საქართველოში იმყოფება. იტალიის საელჩოსა და შესაბამისი უწყებების დახმარებით მიმდინარეობს ცხედრის იტალიაში გადასვენების პროცედურები.

შინაგან საქმეთა სამინისტროს მომხდართან დაკავშირებით ინფორმაციაარ გაუვრცელებია.