ერთი ქართველი სპორტსმენი და ერთი კრეატორი — ეს საქართველოს ბანკის ახალი YouTube პროექტია.

პროექტი ფორმაში მაყურებლებს ერთი ამოსუნთქვით სანახავ ეპიზოდებს ჰპირდება, რომელთა ფარგლებშიც მათ შეეძლებათ სპორტსმენები განსხვავებულ ფორმაში გაიცნონ.

თითოეულ ეპიზოდში, გადაცემის მონაწილეები 3-3 სახალისო დავალების შესრულებაში შეეჯიბრებიან ერთმანეთს.

პირველი ეპიზოდი 17 თებერვალს, საქართველოს ბანკის YouTube არხზე განთავსდება, სტუმრები კი იქნებიან სპორტსმენი, გიორგი ლორია და კრეატორი, გიორგი ქორიძე.

ინფორმაციისთვის, საქართველოს ბანკი YouTube ეკოსისტემისა და ქართველი კრეატორების გაძლიერების ხელშეწყობისთვის, მხარს უჭერს და ახორციელებს სხვადასხვა პროექტს. სწორედ ამ მიზნით, შექმნა საქართველოში პირველი YouTube რეალითი შოუ Creator, რომლის ფარგლებშიც, დამწყებ კრეატორებს შეეძლოთ მიეღოთ რჩევები გამოცდილი და ცნობილი იუთუბერებისგან, გაეზიარებინათ მათი გამოცდილება და პირველი ნაბიჯები გადაედგათ YouTube სივრცეში.