ემბიჯი რენთი თითქმის 7 წელია, რაც საქართველოს ბაზარზე ოპერირებს და მომხმარებელს სთავაზობს სამშენებლო ინვენტარსა და ტექნიკას, უფასო საინჟინრო კონსულტაციას, ბიუჯეტის ოპტიმიზაციასა და მშენებლობის წარმატებულ შედეგს.

მშენებლობა მხოლოდ მასალის ჩასხმითა და ტექნიკის გამოყენებით არ შემოიფარგლება. წარმატებული მოითხოვს წინასწარ დაგეგმვას, რესურსების ზუსტ გათვლასა და პროფესიონალი ინჟინრის ჩართულობას.

ემბიჯი რენთის მთავარი ინჟინერი, გიორგი ხუხუნაიშვილი, ვრცლად გვესაუბრა იმის შესახებ, თუ რატომ არის კრიტიკულად მნიშვნელოვანი სამშენებლო მასალის დათვლა, რა ეტაპები უნდა დაიგეგმოს წინასწარ და რა შეცდომებს უშვებენ დამკვეთები.

რატომ არის მასალის დათვლის პროცესი კრიტიკული მშენებლობის დაწყებამდე და რა რისკებს ქმნის მისი არასწორი დათვლა?

მშენებლობის პროცესის დაწყებამდე საჭირო რესურსების წინასწარი დათვლა, ინფორმაციული სქემების მომზადება და კვალიფიციური ინჟინრების კონსულტაცია აგარიდებთ გაუთვალისწინებელ ხარჯს, არ შეანელებს მშენებლობის პროცესს და მოგცემთ საშუალებას, შეფერხების გარეშე წარმართოთ მშენებლობის თითოეული ეტაპი.

ხოლო არასწორი გათვლა იწვევს სამუშაო პროცესის გაჩერებას, ზედმეტ ლოგისტიკურ ხარჯებს და რესურსების ფლანგვას.

ვთქვათ, ადამიანს სურს სახლის აშენება და თქვენთან კონსულტაციაზე მოდის — რა გზას სთავაზობთ მას და როგორ ეხმარება მიღებული ინფორმაცია სწორი და ეფექტიანი გადაწყვეტილების მიღებაში?

როდესაც მომხმარებელი საპროექტო ეტაპიდანვე მოდის ჩვენთან, საიჯარო მომსახურების გარდა, იღებს უფასო კონსულტაციას კვალიფიციური ინჟინრებისგან. მასალის ოპტიმალური დანახარჯით, ხდება თითოეული სამშენებლო მიმართულების ინტეგრირება (არქიტექტურა, კონსტრუქცია, წყალგაყვანილობა, ელექტრო გაყვანილობა, გათბობა თუ გაგრილება). მომხმარებელს ვთავაზობთ პროექტის დეტალურ ანალიზს, სადაც ინჟინერი ადგენს საჭირო ინვენტარის ზუსტ სიას, რაც მომხმარებელს საშუალებას, აძლევს წინასწარ ზუსტად განსაზღვროს სამშენებლო ბიუჯეტი.

რა ეტაპები უნდა იყოს აუცილებლად გაწერილი მშენებლობის დაწყებამდე და რატომ ვერ მუშაობს პროექტი ამ ეტაპების გარეშე?

დაპროექტების ეტაპიდანვე კვალიფიციური ინჟინრების ჩართულობა, შემსრულებლის დატრენინგება და პროცესის სრული მეთვალყურეობა წარმატებული და შეუფერხებელი სამშენებლო პროცესისთვის სასიცოცხლოდ მნიშვნელოვანია.

კონსტრუქციული პროექტის შედგენის პროცესში ჩართულობა ერთ-ერთი პირველი და ყველაზე მთავარი ეტაპია. მნიშვნელოვანია, რომ სამშენებლო გეომეტრიული ზომები თანხვედრაში იყოს საყალიბე სისტემასთან, რომელსაც ჩვენი ინჟინრები უზრუნველყოფენ. უფრო კონკრეტულად რომ ვთქვათ, ჩვენს დამკვეთებთან ამ ეტაპებს გავდივართ:

• კონსტრუქციული პროექტის მორგება საიჯარო ინვენტარზე;
• ნახაზების შედგენა — სამშენებლო საიჯარო-საინვენტარო პროექტის მომზადება;
• ბეტონირების ეტაპების დაგეგმვა ოპტიმალური მასალის დანახარჯით;
• სამშენებლო რესურსების გათვლა და დროში გაწერა;
• სრული ლოგისტიკური მომსახურების წინასწარ გათვლა;
• ობიექტზე შემსრულებელი ჯგუფის გადამზადება, მიწოდებული მასალის შესაბამისად;
• პროექტთან მიმართებით სამშენებლო პროცესის შესაბამისობის ზედამხედველობა.

ემბიჯი რენთის გუნდი, რეკომენდაციას გასცემს სამშენებლო პროცესში ჩაერთოს პროექტირების დაწყებიდანვე თუმცა მზად არის, ნებისმიერ ეტაპზე გაგიწიოთ შესაბამისი მომსახურება.

როგორ ეხმარება ეტაპობრივი დაგეგმვა კლიენტს ბიუჯეტის კონტროლსა და გაუთვალისწინებელი ხარჯების თავიდან არიდებაში?

საიჯარო მომსახურების უპირატესობებზე ახლა არ ვისაუბრებთ, რადგან სამშენებლო და არამარტო სამშენებლო სფეროში მისი უპირატესობა ცალსახაა, თუმცა ისიც უნდა აღინიშნოს, რომ ჩვენთან თანამშრომლობის შემთხვევაში არ გვაქვს მინიმალური სტანდარტი არც დროის და არც რაოდენობის.

შესაბამისად, მშენებლობის ნებისმიერი ეტაპისთვის ოპტიმალურ რაოდენობას ვითვლით და უკვე არსებული რესურსების გადაწყობას თავადვე, წინასწარ ვგეგმავთ. ჩვენთან იქირავებთ ზუსტად იმდენს და იმდენი ხნით, რაც კონკრეტულად თქვენს პროექტს სჭირდება. არ ხარჯავთ არც დროს და არც ფინანსურ რესურსებს.

რა შეცდომებს უშვებენ ყველაზე ხშირად დამკვეთები, როცა ინჟინრის ჩართულობის გარეშე იწყებენ მშენებლობას?

კვალიფიციური ინჟინრის გარეშე მუშაობისას დამკვეთები ხშირად უშვებენ შეცდომას ინვენტარის რაოდენობისა და ტიპის შერჩევაში, რაც შორეულ პერსპექტივაში არარენტაბელურ ხარჯებს იწვევს და პროექტს გაურკვეველი ვადით ახანგრძლივებს.

რას მოიცავს თქვენი პირველი, საინჟინრო კონსულტაცია და რა სურათი უყალიბდება დამკვეთს ამ შეხვედრის შემდეგ?

პირველი საინჟინრო კონსულტაცია მოიცავს ნახაზების შესწავლასა და სპეციფიკაციების მომზადებას, რომლის შემდეგაც დამკვეთს ხელში უჭირავს კონკრეტული სამოქმედო გეგმა და დაზუსტებული ხარჯთაღრიცხვა.

შესაძლებელია თუ არა მშენებლობის მთავარი რისკების დანახვა ჯერ კიდევ მუშაობის საწყისს ეტაპზე და როგორ აკეთებთ მას?

საწყის ეტაპზე, რისკების დანახვა ხდება ნახაზების ციფრული მოდელირებით და სამუშაო მოცულობების გადამოწმებით. ეს ყველაფერი გამორიცხავს მოულოდნელობებს უშუალოდ სამუშაო მოედანზე.

თქვენი გამოცდილებით, რა არის ის ერთი ფაქტორი, რომელიც ყველაზე მეტად განსაზღვრავს პროექტის წარმატებას?

პროექტირების ეტაპიდანვე საინჟინრო გათვლების სიზუსტე და მთელი პროცესის განმავლობაში უზრუნველყოფილი ტექნიკური მხარდაჭერა წარმატებული და შეუფერხებელი მშენებლობის ერთ-ერთი მთავარი გარანტია.

მნიშვნელოვანია აღინიშნოს, რომ საინჟინრო მომსახურება გაქირავების სერვისში არა მხოლოდ კომფორტია, არამედ გარანტიაა იმისა, რომ დამკვეთი იხდის მხოლოდ იმაში, რაც რეალურად სჭირდება.

• 5 შეცდომა, რომელიც მშენებლობისას ფულს გაკარგვინებთ

იმ შემთხვევაში, თუ ემბიჯი რენთის გუნდს დაპროექტების ეტაპიდანვე მიმართავთ, თქვენ მიიღებთ კვალიფიციური ინჟინრისგან უფასო კონსულტაციას და თავიდან აირიდებთ გაუთვალისწინებელ ხარჯებს.