სალომე უზურაბიშვილი: ეს წელი იყო სისტემური რეპრესიების, ადამიანის უფლებების დარღვევისა და შევიწროების, ძალადობის, დაჭერების, ადამიანის ღირსების შელახვის, უსამართლობისა

10 Dec. 2025, 17:38

"59 სინდისის პატიმარი, რომლებსაც დაეკისრათ არა მხოლოდ უსამართლო წინაპატიმრობის ცხრა თვე, არამედ პატიმრობის შემდეგ სასჯელი, რომელიც 2-6 წლამდე ითვლის.

გარდა სინდისის პატიმრებისა, პრაქტიკულად ყველა პოლიტიკური პარტიის ლიდერი, 80% პროევროპული პარტიების ლიდერები არიან დღეს ციხეში, რასაც დაემატა 4 ოქტომბრის შემდეგ დაპატიმრებული ადამიანები.

1 200 საჯარო მოხელე იქნა გათავისუფლებული სამსახურიდან ძირითადად იმიტომ, რომ ხელი მოაწერეს, ან ფეისბუქ პოსტებით გამოთქვეს პროევროპული ევროინტეგრაციის გზის მხარდაჭერა.

400-მა ჟურნალისტზე იძალადეს ამ დემონსტრაციების დროს, სადაც თვითონ იყვნენ მისული იმიტომ, რომ თავიანთი სამსახურეობრივი მოვალეობა შეესრულებინათ.

20 რეგიონალური და ონლაინ მედია დაიხურა ამ 1 წლის პერიოდში. ჯარიმებით ადამიანები არიან პრაქტიკულად დახრჩობილი, ეს ჯარიმები ითვლება ათასობით და ასი ათასობით ლარით და სრულიად შეუძლებელია ჩვეულებრივი ადამიანებისთვის ამ ჯარიმების აწევა.

ეს წელი იყო სისტემური რეპრესიების, ადამიანის უფლებების დარღვევისა და შევიწროების, ძალადობის, დაჭერების, ადამიანის ღირსების შელახვის, უსამართლობისა და ჯერ კიდევ მოწამვლის შესახებ დადგენილი ფაქტები გვჭირდება, მაგრამ ესეც ასრულებს ამ საშინელი წლის სურათს.

ეს იყო სამარცხვინო წელი იმათთვის, ვინც მართავს ქვეყანას და ცდილობს, რომ ეს ქვეყანა დაამსგავსოს ყველა თავისი მახასიათებლით ტიპიურ რუსულ, ტოტალიტარულ რეჟიმს."

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

როგორი იყო ჩვენთვის ცნობილი უძველესი პანდემია — მეცნიერები მის კვალს სწავლობენ