რეპორტიორები საზღვრებს გარეშე (RSF) სტატიას აქვეყნებს, სადაც ხაზგასმულია, რომ გახშირებულია ჟურნალისტთა მკვლელობები, როგორც "რეგულარული, ასევე პარამილიტარული — და ორგანიზებული დამნაშავეების დანაშაულებრივი პრაქტიკის გამო".

"ჟურნალისტები უბრალოდ არ იღუპებიან — მათ კლავენ. მოკლული ჟურნალისტების რიცხვი კვლავ გაიზარდა სამხედრო დაჯგუფებების — როგორც რეგულარული, ასევე პარამილიტარული — და ორგანიზებული დამნაშავეების დანაშაულებრივი პრაქტიკის გამო. ბოლო ერთი წლის განმავლობაში მოკლული 67 მედია პროფესიონალიდან სულ მცირე 53 ომის ან კრიმინალური ქსელების მსხვერპლია", — წერია სტატიაში.

RSF ასევე წერს, რომ მსოფლიოში 503 ჟურნალისტია დაკავებული და ყურადღებას ამახვილებს მზია ამაღლობელის საქმეზეც.

RSF აღნიშნავს, რომ "საქართველოში მთავრობის დაუნდობელმა ავტორიტარულმა ტაქტიკამ იანვარში ქართველი ჟურნალისტის, მზია ამაღლობელის დაპატიმრება გამოიწვია."

"ისეთ ქვეყნებში, როგორიცაა რუსეთი, საქართველო, აზერბაიჯანი და ბელარუსი, არსებული ვითარება ყოფილ საბჭოთა ბლოკში პრესის თავისუფლების წინაშე არსებულ სერიოზულ საფრთხეებს ასახავს. საქართველოში მთავრობის დაუნდობელმა ავტორიტარულმა ტაქტიკამ იანვარში ქართველი ჟურნალისტის, მზია ამაღლობელის დაპატიმრება გამოიწვია. აზერბაიჯანში ამჟამად 25 ჟურნალისტია ციხეში. რუსეთი ამჟამად მეორე ადგილს იკავებს სიაში, 2025 წლის 1-ელი დეკემბრის მონაცემებით, ციხეში 48 პროფესიონალია, რომელთაგან 26 უკრაინელია", — წერია სტატიაში.