ენმ-ს თავმჯდომარის, თინა ბოკუჩავას თქმით, ეუთო-ს საპარლამენტო ასამბლეაზე, ევროპის სახალხო პარტიამ (EPP) საქართველოზე რეზოლუცია მიიღო, რომლითაც საერთაშორისო პარტნიორებს მოუწოდებენ, შეზღუდვები დაუწესონ ივანიშვილის რეჟიმს იმისთვის, რომ საქართველოში დიქტატურის კონსოლიდაციისთვის კორუფციული ფულის გამოყენება არ ხდებოდეს

"სულ რამდენიმე წუთის წინ, ეუთო-ს საპარლამენტო ასამბლეაში, ევროპის სახალხო პარტიამ და თანამოაზრე პოლიტიკურმა ჯგუფმა, რომელიც ყველაზე დიდი და გავლენიანი პოლიტიკური ჯგუფია, მიიღო საგანგებო რეზოლუცია საქართველოზე. რეზოლუციაში საუბარია ივანიშვილის რეჟიმის მხრიდან ავტორიტარულ ნაბიჯებზე, რომელიც აღწერს იმ პოლიტიკურ რეპრესიებს, რომელსაც ადგილი აქვს ქვეყანაში. ასევე მოუწოდებს საერთაშორისო პარტნიორებს ყველა საერთაშორისო ინსტრუმენტის გამოყენებისკენ, მათ შორის იმგვარი კონკრეტული ინსტრუმენტების, რომელიც ივანიშვილის რეჟიმს, მის რეპრესიულ მანქანას ფინანსურად შეზღუდავს და დააწესებს კონკრეტულ შეზღუდვებს იმისთვის, რომ საქართველოში დიქტატურის კონსოლიდაციისთვის კორუფციული ფულის გამოყენება არ ხდებოდეს", — აცხადებს თინა ბოკუჩავამ.