ახალი ამბები On.ge

ლელო — ძლიერი საქართველო

23 Oct. 2025, 15:43

"ივანიშვილ-კობახიძის პოლიციურმა რეჟიმმა საზოგადოებაში საპროტესტო მუხტის ჩასახშობად და შიშის დასანერგად ძალადობის ახალი მექანიზმი აამუშავა და ყოველდღიურ, მასობრივ დაჭერებზე გადავიდა.

ეს არის ავტოკრატიული და რეპრესიული მმართველობის სამარცხვინო სახე, რომლის ყოველდღიურად გამოჩენასაც "ქართული ოცნება" აღარ ერიდება.

რეჟიმმა პოლიტიკურ ოპონენტებსა და საპროტესტო საზოგადოებას წესების გარეშე ბრძოლა გამოუცხადა და ადამიანებისთვის კონსტიტუციური უფლების შელახვის და ძალადობის გზით ცდილობს თავისუფალი აზრის ჩახშობას. ის იმდენად აპათიურ მდგომარეობაშია, რომ თვითაღიარებულ პრემიერმინისტრს სიხარულისთვის ისიც კი ჰყოფნის, დაკავებების და პოლიციური ოპერაციის ფონზე თქვას, რომ "უწყვეტი პროტესტის 329-ე დღეს რუსთაველი ვერ გადაიკეტა!"

ამ "სიხარულისთვის" "ოცნების" ახალმა კომენდანტმა სახე დააკარგვინა და ღირსება შეულახა ქართულ პოლიციას, რომელიც დღეს უკანონო დავალებების შემსრულებელ შეიარაღებულ ბანდად აქცია და ადამიანების დევნასთან ერთად რესპირატორული პირბადეების "დაკავება" დაავალა.

ღირსებაშელახული "სამართალდამცველების" პირისპირ ჩვენ ვხედავთ პატრიოტ, უშიშარ ახალგაზრდა ადამიანებს, რომლებიც არანაირ ზეწოლას არ ექვემდებარებიან და თავგანწირვით იბრძვიან თავისუფლებისთვის, რისთვისაც უაპელაციო მხარდაჭერას და დახმარებას იმსახურებენ.

"ძლიერი საქართველო-ლელო" ყოველთვის მხარს უჭერდა და იდგა საპროტესტო საზოგადოების გვერდით და დღესაც სრულ მხარდაჭერას და სოლიდარობას უცხადებს რეჟიმის ტყვეებს!"

კომენტარები

კვირის ტოპ-5

  1. გიგა ავალიანის საქმეზე არასრულწლოვანი ნ.ი. "ჯანმთელობის ჯგუფურად, განზრახ მძიმედ დაზიანების წაქეზების" მუხლით დააკავეს — საქმის პროკურორი
  2. რა მტკიცებულებებით ედავება პროკურატურა ნ.ი.-ს გიგა ავალიანის საქმეზე ძალადობის წაქეზებას — საქმის დეტალები
  3. "რუსთაველის გამზირზე თვითმცლელში მცირეწლოვანი ბავშვი იმყოფებოდა" — GWP სამართლებრივ ზომებს მიმართავს
  4. "თბილისის თავისუფალი ინდუსტრიული ზონა" განცხადებას ავრცელებს
  5. შსს: "გურამ დადიანიძის საქმეზე ჩატარდა ყველა საჭირო საგამოძიებო მოქმედება, თუმცა რაიმე საეჭვო გარემოება გამოვლენილი ვერ იქნა"

გირჩევთ

ახლა კითხულობენ

გადახედვა

გამოავლინეს 3 ფაქტორი, რომლებიც დემენციის 13 წლით გადავადებასთანაა დაკავშირებული

დემენციის ზოგ რისკ-ფაქტორს ვერ შევცვლით (მაგალითად, გენეტიკას), თუმცა სხვების გაკონტროლება შეგვიძლია: იქნება ეს…