ევროკავშირის მუდმივი წარმომადგენლები 8 ოქტომბერს ევროკავშირში რუსი დიპლომატების გადაადგილების შესაძლო შეზღუდვებს განიხილავენ. ეს ღონისძიება რუსეთის წინააღმდეგ ევროკავშირის მე-19 სანქციების პაკეტის ნაწილად განიხილება. ჩეხეთის რესპუბლიკა, რომელმაც ეს ღონისძიება წამოიწყო, ელოდება, რომ ამ პუნქტის ახალი სანქციების პაკეტში ჩართვის გადაწყვეტილება მუდმივი წარმომადგენლების შემდეგ შეხვედრაზე დამტკიცდება, აცხადებს DW-ს წყარო ბრიუსელში.

რუსი დიპლომატების თავისუფლების შეზღუდვა არ არის ერთადერთი საკამათო პუნქტი მომავალ მე-19 სანქციების პაკეტში. სანამ ევროკავშირის ქვეყნები ახალი პაკეტის ყველა პუნქტზე შეთანხმებას არ მიაღწევენ, რუსეთის დიპლომატიური მისიის თანამშრომლების გადაადგილების შეზღუდვის შესახებ საბოლოო გადაწყვეტილება არ იქნება მიღებული, წერს DW.

7 ოქტომბერს, FT-მ წყაროებზე დაყრდნობით გაავრცელა ინფორმაცია, რომ ევროკავშირის ქვეყნები შეთანხმდნენ რუსი დიპლომატებისთვის მოგზაურობის შეზღუდვების დაწესებაზე. რეპორტაჟის თანახმად, ახალი წესები ევროპულ ქვეყნებში მომუშავე დიპლომატებს ავალდებულებს, წინასწარ აცნობონ ამ ქვეყნების ხელისუფლებას მოგზაურობის გეგმების შესახებ. FT-ის ცნობით, უნგრეთმა, რომელიც ამ ნაბიჯს ეწინააღმდეგებოდა, სიტყვა უკან წაიღო.

რუსეთის პრეზიდენტის პრესმდივანმა დიმიტრი პესკოვმა 7 ოქტომბერს განაცხადა, რომ მოსკოვი უპასუხებს ბრიუსელის გადაწყვეტილებას რუსი დიპლომატების ევროკავშირში გადაადგილების შეზღუდვის შესახებ.