ოსკარის მფლობელი მსახიობი ქეით უინსლეტი ტიტანიკის შემდეგ ჯეიმს კამერონთან კიდევ ერთხელ, ამჯერად ავატარის სიქუელზე იმუშავებს.

"ქეითი და მე დიდი ხნის განმავლობაში ვეძებდით რამე ისეთს, რაც 20 წლის შემდეგ მოგვცემდა საშუალებას კიდევ ერთხელ გვემუშავა ერთად. ერთი სული მაქვს როდის დავიწყებთ გადაღებებს და როდის მომეცემა საშუალება კიდევ ერთხელ ვნახო ის ჩემს ფილმში", - ამბობს ჯეიმსი.

როგორც ცნობილია, ავატარის ახალი ნაწილის პრემიერა 2020 წლის 18 დეკემბერს არის დაგეგმილი, თუმცა უცნობია იქნება თუ არა ქეითი ავატარის მესამე, მეოთხე და მეხუთე ნაწილებში, რომელთა პრემიერაც - 2021, 2024 და 2025 წლებში იგეგმება.