დიდი ბრიტანეთის პრემიერმინისტრმა კირ სტარმერმა განაცხადა, რომ ისრაელის გადაწყვეტილება ღაზას ქალაქზე კონტროლის ხელში ჩაგდების შესახებ არასწორია. მან ისრაელის მთავრობას გადაწყვეტილების გადახედვისკენ მოუწოდა. ინფორმაციას Reuters ავრცელებს.

"ისრაელის მთავრობის გადაწყვეტილება, ღაზაში შეტევების კიდევ უფრო გამწვავების შესახებ, არასწორია და ჩვენ ვთხოვთ მას, დაუყოვნებლივ გადახედოს ამ ნაბიჯს," — ნათქვამია მის განცხადებაში.

ცნობისთვის, იერუსალიმში რამდენიმესაათიანი უსაფრთხოების კაბინეტის სხდომის შემდეგ, ისრაელის პრემიერმინისტრის, ბენიამინ ნეთანიაჰუს ოფისმა განცხადება გაავრცელა, სადაც გეგმა ღაზას ქალაქის ხელში ჩაგდების შესახებ დამტკიცდა.

ისრაელმა "ომის დასრულების ხუთი პრინციპი" მიიღო — ცნობილია ნეთანიაჰუს გეგმები ღაზასთან დაკავშირებით