ბრიტანელმა მსახიობმა კოლინ ფერტმა იტალიის, რეიფ ფაინსმა კი სერბეთის მოქალაქეობა მიიღო.

კოლინ ფერტს ხშირად აღუნიშნავს, რომ იტალია ძალიან უყვარს, ამავდროულად კი ის სწორედ ამ ქვეყნის მოქალაქეზეა დაქორწინებული, ლივია ჯუჯოლიზი და ფერტი უკვე 20 წელია ერთად არიან.

"ცნობილი მსახიობი კოლინ ფერტი, ჩვენს მოქალაქეზეა დაქორწინებული და არაერთხელ გამოტყდომია იტალიას სიყვარულში", - წერია იტალიის საგარეო საქმეთა სამინისტროს განცხადებაში.

რაც შეეხება ფაინსს, მას სერბეთის პრეზიდენტმა პასპორტი უკვე გადასცა.

გარდა იმისა, რომ ორივე მსახიობს ხშირად აღუნიშნავთ იმ ქვეყნებისადმი მათი სიყვარული რომლის მოქალაქეებიც გახდნენ, მათი გადაწყვეტილება ბრიტანეთში ჩატარებული არჩევნების შედეგებსაც უკავშირდება, სადაც მოქალაქეების უმრავლესობამ მხარი ევროკავშირიდან გასვლას დაუჭირა.

გამომდინარე იქიდან, რომ ევროკავშირის სხვა ქვეყნებისგან განსხვავებით, იტალიაში დაშვებულია ორმაგი მოქალაქეობა, შესაძლოა ფერტს ბრიტანეთის პასპორტზე უარის თქმა არ მოუხდეს.