აქციებში მონაწილეობის გამო დაკავებული 11 პირის საქმეზე დღეს დაზარალებულის სტატუსის მქონე მეხანძრე ილია ქვათაძე დაიკითხა.

მისი თქმით, 2 დეკემბერს აქციაზე პარლამენტის შიდა ტერიტორიაზე იყო, სადაც ქვა მოხვდა, და ნაკერების დადებაც დასჭირდა.

"მე ქვა ვინც მესროლა, სახეზე არ დამინახავს. ვერ ამოვიცნობ პიროვნებას. არ მინახავს [ბრალდებულები]", — განაცხადა ილია ქვათაძემ.

მეხანძრე სხვა დაზარალებულების მსგავსად აცხადებს,რომ პრეტენზია იმ შემთხვევაში ქენაბა, თუ ბრალდებულების ჯგუფურ ძალადობაში მონაწილეობა დადგინდება.

მოწმე აღნიშნავს, რომ გამოძიებამ უნდა დაადგინოს, ვინ დააზიანა ის. აღსანიშნავია, რომ ამ სისხლის სამართლის საქმეზე გამოძიება დასრულებულია.

ცნობისთვის, ილია ქვათაძე ასევე დაკითხულია პარალელურად მიმდინარე — 8 პირის საქმეზეც.