წუხელ, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 166-ე კმ-ზე ძლიერი წვიმის შედეგად გზაზე მიწის მასა ჩამოწვა, რის გამოც დროებით შეიზღუდა ყველა სახის ავტოტრანსპორტის მოძრაობა. საავტომობილო გზების დეპარტამენტის ინფორმაციით, ამ დროისთვის გზის აღნიშნულ მონაკვეთზე ავტოტრანსპორტის მოძრაობა აღდგენილია.

"ამასთან, ძლიერი წვიმის შედეგად, შიდასახელმწიფოებრივი მნიშვნელობის ქუთაისი(წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის 98-ე კმ-ზე (სოფელი საყდარი) მდინარის ადიდების გამო, გზის აღნიშნულ მონაკვეთზე დროებით იზღუდება ყველა სახის ავტოტრანსპორტის მოძრაობა", — ნათქვამია უწყების მიერ გავრცელებულ ინფორმაციაში.