თბილისში, დოლიძის ქუჩის 48 ნომერში, სადაც "სტარ აიტის" აკადემია მდებარეობს, სავარაუდოდ, ფინანსური პოლიცია შევიდა და საგამოძიებო მოქმედებები მიმდინარეობს. ინფორმაციას ტელეკომპანია "პირველი" ავრცელებს.

რას ეძებენ ამ დროისთვის უცნობია. ადგილობრივების თქმით, შენობაში უკანონო, ე.წ. ქოლ ცენტრი ფუნქციონრებს.

"ბევრჯერ იყვნენ მოსულები, როგორც იყო ადრე ნათქვამი "ქოლცენტრი" იყო განთავსებულიო. სულ ახალგაზრდა რუსი გოგო-ბიჭები დადიან ოფისში, აიტიშნიკები, ხან მანქანით მიჰყვათ-მოჰყვათ. ვერსია თავიდანვე ასე ითქვა, რომ "ქოლ-ცენტრია" ადგილზე განთავსებულიო", — განუცხადა ერთ-ერთმა ადგილობრივმა "ტვ პირველს".

ტელეკომპანიის ცნობით, ნიღბიანბემა შენობაში რამდენიმე ახალგაზრდა, სავარაუდოდ აკადემიაში მომუშავე პირები შეიყვანეს და მიმდინარეობს მათი გამოკითხვა.