პროკურატურის პრესსამსახურის უწყებით, ზუგდიდის რაიონულმა სასამართლომ პროკურატურის მიერ წარდგენილი მტკიცებულებების საფუძველზე ნარკოტიკული საშუალების უკანონო შეძენა-შენახვისა და გასაღების ბრალდება სამართლიანად მიიჩნია და ბრალდებული პირი დამნაშავედ მიიჩნია.

ნარკოტიკული საშუალება “ბუპრენორფინი” აღმოჩნდა. როგორც სასამართლო პროცესზე არსებულმა მტკიცებულებებმა აჩვენა, აღნიშნული ნარკოტიკული საშუალება ნასამართლევმა ბრალდებულმა უკანონოდ შეძენის შემდეგ შეინახა და ასაღებდა.

"სამართალდამცველებმა ბრალდებული სასამართლოს განჩინების საფუძველზე დააკავეს. მას ბრალდება საქართველოს სისხლის სამართლის კოდექსის 260-ე მუხლის მე-3 ნაწილის "დ" და მე-5 ნაწილის "დ" ქვეპუნქტებით (ნარკოტიკული საშუალების უკანონო შეძენა, შენახვა, გასაღება, არაერთგზის) წარედგინა.

ზუგდიდის რაიონულმა სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად 19 წლით და 6 თვით თავისუფლების აღკვეთა განუსაზღვრა,"— მოცემულია განცხადებაში.