Razer გეიმერებისთვის კარგად ნაცნობი კომპანიაა, რომელიც სპეციალურად ვიდეო თამაშებისთვის განკუთვნილ მოწყობილობებზე მუშაობს. კომპანიის პროდუქტები გეიმინგის სამყაროში უმაღლესი რეპუტაციით სარგებლობს.

Razer თავისი ბაზრისა და პროდუქციის გაზრდას აპირებს და ამისთვის სპეციალურად გეიმინგისთვის განკუთვნილ სმარტფონს შექმნის.

"ჩვენ დიდი ხანია მობილურის ბაზარს ვუყურებთ და ვხედავთ, რომ ჩვენი მომხმარებლები მობიალ-გეიმინგშიც აქტიურად არიან ჩართულები. ამიტომ გადავწყვიტეთ, სპეციალურად მათთვის, თამაშებსა და გართობაზე ორიენტირებული სმარტფონი გამოვუშვათ", განაცხადა Razer-ის აღმასრულებელმა დირექტორმა მინ-ლინ ტანმა CNBC-სთან ინტერვიუში.

მისივე თქმით, ახალი მოწყობილობის გამოშვება წლის ბოლომდე იგეგმება.