ჰამბურგში ცნობილი მწერალი და ჟურნალისტი, ალექსანდრა ფრიოლიხი მოკლეს. მისი ცხედარი ქალის კუთვნილ საცხოვრებელ ნავზე სამშაბათს დილით აღმოაჩინეს.

გერმანელი ბესტსელერი მწერლის გარდაცვალებაზე გამოძიება მკვლელობის მუხლითაა დაწყებული. არსებობს ვარაუდი, რომ მისი მკვლელი ფრიოლიხის ნათესავია.

58 წლის მწერლისა და ჟურნალისტის მკვლელობასთან დაკავშირებით ოფიციალური დასკვნა ჯერჯერობით არ გამოუტანიათ, თუმცა, ზოგი ვარაუდით, ის ცეცხლსასროლი იარაღით მოკლეს. ზოგი მედიის ცნობით, ფრიოლიხი თავში ბლაგვი საგნის ჩარტყმითაა მოკლული.

ალექსანდრა ფრიოლიხმა გერმანიაში სახელი 2012 წელს გაითქვა, როდესაც გაყიდვაში მისი რომანი Meine russische Schwiegermutter und andere Katastrophen (ჩემი რუსი დედამთილი და სხვა უბედურებანი) გამოვიდა. წიგნში ფრიოლიხი რუს კაცთან ქორწინებაში ყოფნაზე წერს.