სტატისტიკის ეროვნული სამსახურის მონაცემებით, მარტში წლიური ინფლაციის ფორმირებაზე ძირითადი გავლენა იქონია ფასების ცვლილებამ სურსათსა და უალკოჰოლო სასმელებზე. ჯგუფში ფასები გაიზარდა 6.6%-ით, რაც წლიურ ინფლაციაზე 2.2 პროცენტული პუნქტით აისახა.

ფასები 21.3%-ით მომატებულია ბოსტნეულსა და ბაღჩეულზე, ზეთი და ცხიმი 16.4%-ით გაძვირდა; ყავა, ჩაი და კაკაო – 14.4%-ით; შაქარი, ჯემი და სხვა ტკბილეული კი – 10.8 %-ით.

მინერალური და წყაროს წყალი, უალკოჰოლო სასმელები და ნატურალური წვენები 7.8 %-ითა გაძვირებული; პური და პურპროდუქტები – 5.2%-ით.

თევზეულზე ფასებმა 3.5%-ით მოიმატა; რძე, ყველი და კვერცხი კი 2.8%-ით გაძვირდა, ხოლო ხორცი და ხორცის პროდუქტები – 1.4%-ით.

ამასთან, ფასები -3.3%-ით შემცირებულია ხილზე.