უკრაინაში ცეცხლის შეწყვეტის შესახებ პუტინსა და ტრამპს შორის სატელეფონო საუბარს საქართველოს მე-5 პრეზიდენტი, სალომე ზურაბიშვილი გამოეხმაურა.

"ასე რომ, პუტინი დათანხმდა "შეაჩეროს თავდასხმები ენერგეტიკასა და ინფრასტრუქტურაზე", მაგრამ არა სამოქალაქო ობიექტებზე, ქალაქებზე, საავადმყოფოებზე... სავარაუდოდ, ცეცხლის დაუყოვნებლივ შეწყვეტის შესახებ მოწოდება მიზნად ისახავდა ადამიანური მსხვერპლის შეჩერებას და არა რუსული აქტივების დაცვას. ეს არის პუტინის მშვიდობის გზა", — წერს საქართველოს მე-5 პრეზიდენტი, სალომე ზურაბიშვილი X-ზე.

18 მარტს პუტინსა და ტრამპს შორის მეორე სატელეფონო საუბარი შედგა.

მოლაპარაკებების ცენტრალური თემის –— უკრაინის კონფლიქტის მოგვარების მცდელობების განხილვისას პუტინმა ხაზგასმით აღნიშნა, რომ უკრაინაში კონფლიქტის ესკალაციის თავიდან აცილებისა და მისი მშვიდობიანი მოგვარების უმთავრესი პირობაა საგარეო სამხედრო დახმარების და კიევისთვის სადაზვერვო ინფორმაციის მიწოდების შეწყვეტაა. თავის მხრივ, ტრამპმა შესთავაზა რუსეთს და უკრაინას 30 დღის განმავლობაში თავი შეიკავონ ენერგო ინფრასტრუქტურის ობიექტებზე თავდასხმებისგან. პუტინი ამ წინადადებას დათანხმდა და რუს სამხედროებს შესაბამისი ბრძანება გასცა.