ბლოგერი უჩა აბაშიძე და მისი მეუღლე მარიამ იაშვილი მოსამართლე მიხეილ ჯინჯოლიამ დამნაშავედ ცნო. უჩა აბაშიძეს 5 წლით, მარიამ იაშვილს კი 4 წლით თავისუფლების აღკვეთა მიესაჯა.

რადგან საქმე დაზარალებული პირების პერსონალურ ინფორმაციას შეიცავდა, სასამართლო განხილვები დახურულ რეჟიმში მიმდინარეობდა.

უჩა აბაშიძე 2024 წლის 9 მაისს, მაშინ დააკავეს, როცა დედაქალაქში რუსული კანონის საწინააღმდეგო აქციები იმართებოდა. 11 მაისს დააკავეს მისი ცოლი — მარიამ იაშვილი. პროკურატურის ინფორმაციით, ორივე მათგანს ბრალდება პირადი ცხოვრების საიდუმლოს ხელყოფის მუხლით წარედგინა.

უჩა აბაშიძის ადვოკატი რადიო თავისუფლებასთან ინტერვიუში აცხადებდა, რომ სამხედრო ბლოგერი ხელისუფლების შურისძიების მსხვერპლია. მის საქმეში არის არაერთი დარღვევა, რაც გამოძიების სანდოობას ეჭვქვეშ აყენებს.