საქართველოს არალეგიტიმურ ხელისუფლებას კიბერ-ომს ვუცხადებთ, — ამის შესახებ ინფორმაცია ჰაკერებისა და აქტივისტების საერთაშორისო მოძრაობა Anonymous-ის X-ის გვერდზე ვრცელდება. მათი თქმით, "Anonymous დგას ქართველ ხალხთან, როგორც მოკავშირეებთან და ებრძვის მჩაგვრელ სისტემას".

"საქართველოს არალეგიტიმურ ხელისუფლებას კიბერ-ომს ვუცხადებთ.

თქვენმა მჩაგვრელმა რეჟიმმა, რომელსაც რუსეთის მიერ მხარდაჭერილი "ქართული ოცნება" და მისი ლიდერი, ბიძინა ივანიშვილი ხელმძღვანელობენ, ხალხის ნებას უღალატა.

Anonymous კიბერ-ომს უცხადებს თქვენს რეჟიმს. თქვენი მცდელობები, გააკონტროლოთ ხალხი შიშითა და ძალადობით, წარუმატებელი იქნება, ისევე როგორც, თქვენი მცდელობები, გააჩუმოთ მათი ბრძოლა სამართლიანობისთვის. ინტერნეტი სიმართლისა და გათავისუფლების იარაღი, თქვენ წინააღმდეგ მოექცევა.

Anonymous დგას ქართველ ხალხთან, როგორც მოკავშირეებთან ამ ბრძოლაში, ვაძლიერებთ მათ ხმას და ვურტყამთ მათ მჩაგვრელ სისტემებს", — წერს Anonymous X-ზე ("მთავარი არხის" თარგმანი).