ხვალ, 9 საათზე რესპუბლიკის მოედანზე შეკრების შემდეგ, ფეხით გავემართებით პარლამენტის შენობისკენ, სადაც ვაპირებთ, დავრჩეთ ღამე — ამის შესახებ გმირთა მოედანზე გამართულ საპროტესტო აქციაზე კოალიცია ცვლილებებისთვის ლიდერმა, გიორგი ვაშაძემ განაცხადა.

"ხვალ საღამოს 9 საათზე ვიკრიბებით აბსოლუტურად ყველა რესპუბლიკის მოედანზე, პარალელურად შემოგვიერთდებიან რეგიონებიდან ხალხი. ხვალ 9 საათზე შეკრების შემდეგ ფეხით მსვლელობით გავემართებით პარლამენტის შენობისკენ, სადაც ვაპირებთ დავრჩეთ ღამე. პარალელურად დასავლეთ და აღმოსავლეთ საქართველოდან ავტომობილები რომლებიც ჩამოვლენ თავისუფლების მოედანზე შემდგომის ღამის მანძილზე მსვლელობას მოაწყობენ თბილის მასშტაბით, რომ ამ მანქანების მსვლელობთ გამოვაფხიზლოთ თბილისი და მოვუწოდებთ, რომ მოვიდნენ აქციაზე. თუ ისინი მაინც გადაწყვეტენ თავყრილობას ხვალ, ეს იქნება თვითმარქვია ხალხის შეკრება და მეტი არაფერი", — განაცხადა ვაშაძემ.