ჩვენი წინააღმდეგობის სიმბოლოდ გადაიქცა თეთრ ნაჭერზე შავი წერტილი და ჩვენი წინადადებაა, რომ ყველამ შეღებოს ეს თეთრი ნაჭერი და ფანჯრიდან როგორ დროშა, ისე გადმოკიდოს, — ამის შესახებ ერთიანობა ნაციონალური მოძრაობის ლიდერებმა, ლაშა ბაქრაძემ დღეს გიორგი ვაშაძესთან ერთად გამართულ აქცია-პერფორმანსზე განაცხადა.

"ჩვენ გვინდა რომ მთელ ქალაქში და მერე ალბათ მთელ ქვეყანაში ჩანდეს ის, რომ ადამიანებს აწუხებთ ის მდგომარეობა, რომელშიც ჩვენ დღეს ვიმყოფებით. მოგეხსნებათ, რომ სიმბოლოდ, აი, ამ ჩვენი წინააღმდეგობისა გადაიქცა თეთრ ნაჭერზე შავი წერტილი და ჩვენი წინადადებაა, რომ ეს ყველას შეუძლია სახლში გააკეთოს: შეღებოს ეს თეთრი ნაჭერი და ფანჯრიდან როგორ დროშა ისე გადმოკიდოს. ამას აქვს მნიშვნელობა იმ თვალსაზრისით, რომ ადამიანები დაინახავენ, რომ ჩვენ ვართ ბევრნი, ის, რომ ჩვენ ეს საკითხი გვაწუხებს, ის, რომ ქალაქის მარტო ერთ ადგილას კი არ ხდება აქცია, არამედ მთელს ქალაქში, მთელს ქვეყანაში არის პროტესტის, წინააღმდეგობის მოძრაობა", — განაცხადა ბაქარაძემ.