მოლდოვის საგარეო საქმეთა სამინისტროს ვებგვერდზე გამოქვეყნებული განცხადების თანახმად, მოლდოვაში ჩატარებული არჩევნების შესახებ საქართველოს პრემიერის ირაკლი კობახიძის განცხადების გამო მოლდოვის საგარეო საქმეთა სამინისტროში გამოიძახეს საქართველოს ელჩის საქმეთა დროებითი რწმუნებული.

"მოლდოვა ღრმა უკმაყოფილებას გამოთქვამს საქართველოს პრემიერ-მინისტრის მიერ მოლდოვის რესპუბლიკის ევროპული ინტეგრაციისა და ჩვენს ქვეყანაში მიმდინარე საარჩევნო პროცესის დამახინჯებული და შეუსაბამო განხილვის გამო," — წერია განცხადებაში. [რადიო თავისუფლების თარგმანი]

შეგახსენებთ, ირაკლი კობახიძემ საქართველოში ჩატარებული საპარლამენტო არჩევნების შემდეგ, ფარულობის დარღვევასთან დაკავშირებით კომენტარი გააკეთა, სადაც ხაზგასმით თქვა, რომ საქართველოში არავითარი ფარულობა არ დარღვეულა და თუ ეს სადმე დაირღვა მოლდოვის საპრეზიდენტო არჩევნები იყო.

"თუ სადმე იყო მასობრივად დარღვეული ხმის ფარულობა, ეს იყო, იგივე, მოლდოვა – პირდაპირ, გამჭვირვალე ყუთებში კონვერტების გარეშე აგდებდნენ ბიულეტენებს," — თქვა რამდენიმე დღის წინ ირაკლი კობახიძემ