პოლიცია აქციის მონაწილეებს მოუწოდებს, გაათავისუფლონ გზის სავალი ნაწილი, წინააღმდეგ შემთხვევაში, მათი თქმით, მოხდება საპროტესტო აქციის მონაწილეების იდენტიფიცირება და ისინი დაჯარიმდებიან.

სამართალდამცველების განმარტებით, აქციაზე ადამიანების ის რაოდენობა არ არის შეკრებილი, რომ მათ გზა გადაკეტონ და საგზაო მოძრაობა შეაფერხონ.

"ეძებენ ორგანიზატორებს და გვაფრთხილებენ, რომ დაგვიწერენ ჯარიმას იმის გამო, რომ თურმე აქ საკმარისი რაოდენობის ხალხი არ დგას. თურმე არასაკმარის რაოდენობასთან იმის ნაცვლად რომ ერთი კაცი მოსულიყო, 15 კაცი გამოგვიგზავნეს, გარშემო ალყა დაგვარტყეს. ასე იქცევა შეშინებული ხელისუფლება", — აცხადებენ აქციის მონაწილეები.

პოლიციის განცხადებით, აქციის ორგანიზატორი დაჯარიმდება 5000 ლარით, აქციის მონაწილეები – 500 ლარით. იმ შემთხვევაში, თუ ხალხი გზის სავალი ნაწილიდან არ გადავა, პოლიციის განმარტებით, ისინი აქციის მონაწილეების იდენტიფიცირებას დაიწყებენ.

საპროტესტო აქციის მონაწილეები დაშლას არ აპირებენ და პროტესტი გრძელდება. მათი განმარტებით, ეს არის „შეშინებული ხელისუფლების ქმედება” და ახლა უფრო მეტი სტიმული აქვთ, რომ საპროტესტო აქციები უახლოეს დღეებშიც გაგრძელდეს.

აქციის მონაწილეებს გადაკეტილი აქვთ მტკვრის ორივე სანაპირო, ასევე ბარათაშვილის ხიდი.

ისინი მიიჩნევენ, რომ ქვეყანაში 26 ოქტომბერს ჩატარებული საპარლამენტო არჩევნები გაყალბდა და ამიტომ მოითხოვენ, რომ ქვეყანაში ხელახალი არჩევნები ჩატარდეს.

ენ.