ნაციონალურ მოძრაობაში აცხადებენ, რომ ისნის ოლქში, მე-9 საარჩევნო უბანთან, ქართული ოცნების მიერ დაქირავებული პირები ენმ-ის წარმომადგენელს, მარიამ დოლიძეს დაესხნენ თავს.

"მას შემდეგ, რაც მარიამმა კანონის მითითებით ტერიტორიის დატოვებისკენ მოუწოდა — ფიზიკურად გაუსწორდნენ ჩვენს წარმომადგენელს. მარიამი საავადმყოფოშია გადაყვანილი, აქვს დაზიანებები მუცლისა და თავის არეში. ეს ჩვენს წარმომადგენლებზე თავდასხმის პირველი შემთხვევა არ არის, მთელი დღეა, წაგების აგონიაში მყოფი ივანიშვილის ტიტუშკები ფიზიკურად უსწორდებიან ერთიანობის წევრებს", -— წერია „ერთიანი ნაციონალური მოძრაობის“ განცხადებაში.