გავაგრძელებთ სამხრეთ ოსეთის დახმარებას, 2008 წლის გადაწყვეტილებები გადახედვას არ ექვემდებარება, — ამის შესახებ რუსეთის საგარეო საქმეთა მინისტრმა, სერგეი ლავროვმა ოკუპირებული ცხინვალის ე.წ. საგარეო საქმეთა მინისტრთან, ახსარ ჯიოევთან შეხვედრისას განაცხადა. ინფორმაციას ეხო კავკაზა ავრცელებს.

"ჩვენ გავაგრძელებთ ჩვენი მეგობრების [სამხრეთ ოსეთის] დახმარებას უსაფრთხოების უზრუნველსაყოფად, სოციალურ-ეკონომიკური სფეროსა და სხვა სფეროების განვითარებაში, სახელმწიფოს გაძლიერებაში, როგორც ეს გათვალისწინებულია ორმხრივი შეთანხმებებით. ჩვენთვის წინსვლის ერთადერთი გზა არის წინ — 2008 წლის გადაწყვეტილებები გადახედვას არ ექვემდებარება" — განაცხადა ლავროვმა.