გასულ წელს, დევით ბექჰემის შესახებ Netflix-ის მიერ გადაღებულ დოკუმენტურ სერიალს Beckham ვიქტორია ბექჰემი აღფრთოვანებით შეხვდა, ახლა კი თავად გადაწყვიტა დოკუმენტური სერიალის გადაღება.

ფოტო: New York Times

სერიალის სახელი ჯერჯერობით უცნობია, მაგრამ უკვე ვიცით, რომ ის ვიქტორია ბექჰემის ცხოვრებისეულ გამოცდილებაზე მოგვითხრობს: თუ რა გზა გაიარა მან 90-იანი წლების ჯგუფ Spice Girls-ის სუპერვარსკვლავობიდან თანამედროვე მოდის დიზაინერობამდე.

"მისი Posh Spice-ის დღეები შეიძლება უკან დარჩა, მაგრამ დღეს ვიქტორია ბექჰემი მოდის იმპერიას აშენებს, ახლა თაყვანისმცემლებს შეეძლებათ ნახონ და მოისმინონ ისტორია, რომელიც ამ ყველაფრის უკან დგას" — ნათქვამია პროქტის აღწერილობაში.

დოკუმენტურ სერიალში ვიქტორია, მისი ოჯახი, მეგობრები და კოლეგები გამოჩნდებიან. სერიალს საპროდუსერო მომსახურებას კი დევიდ ბექჰემის კომპანია Studio 99 გაუწევს.

ვიქტორია იყო ბექჰემის გამორჩეული ვარსკვლავი, განსაკუთრებით იმ სცენით, რომელშიც დევიდი არწმუნებს მას აღიაროს, რომ ის სულაც არ იყო "შრომითი კლასის" წარმომადგენელი და სინამდვილეში სკოლაში როლს-როისით დაჰყავდათ. ეს საუბარი შემდეგ ნამდვილ მიმად იქცა.

"როდესაც 'ბექჰემის' გადაღებაზე ვმუშაობდი, ვიქტორიასთან ინტერვიუ 14 საათის განმავლობაში გაგრძელდა, გულწრფელად რომ ვთქვა, მე აღფროთვანებული ვიყავი მათი ურთიერთობით, ყოველივე იმის შემდეგ, რაც მათ გამოიარეს, რამდენად უყვართ ერთმანეთი და რამდენად ახლოს არიან" — აღნიშნა Variety-სთან ინტერვიუში რეჟისორმა ფიშერ სტივენსმა.