21 აგვისტოს რუსეთის პრეზიდენტი ვლადიმერ პუტინი ჩინეთის პრემიერ-მინისტრს, ლი ციანგს შეხვდა.

მთავარი სასაუბრო თემა რუსეთსა და ჩინეთს შორის მზარდი სავაჭრო ურთიერთობები იყო, რადგან რუსეთი, უკრაინის ომის მიმდინარეობის პარალელურად, მეტად დამოკიდებული ხდება ჩინეთის პოლიტიკურ და ეკონომიკურ მხარდაჭერაზე.

"ჩვენი სავაჭრო ურთიერთობები წარმატებით ვითარდება. ორი ქვეყნის მთავრობა ყურადღებას აქცევს ორივე მხარისთვის შედეგის მომტან სავაჭრო და ეკონომიკურ კავშირებს", — განაცხადა პუტინმა კრემლის შეხვედრაზე.

მან ასევე განაცხადა, რომ რუსეთმა და ჩინეთმა, ეკონომიკური და სხვა პროექტებისთვის, ფართომასშტაბიანი გეგმები განავითარეს.

ლი ციანგის განცხადებით, ჩინეთ-რუსეთის ურთიერთობები უპრეცედენტოდ მაღალ დონეზეა.

რუსულ გამოცემებს არ უხსენებიათ, პუტინმა და ლი ციანგმა განიხილეს თუ არა უკრაინის საკითხი.