ოკუპირებულ აფხაზეთში, გუდაუთას რაიონის ერთ-ერთ სოფელში მდებარე სამხედრო საწყობში, საბრძოლო მასალა აფეთქდა. ამჟამად, შემთხვევის ადგილის მიმდებარე ტერიტორიებიდან მოსახლეობისა და ტურისტების ევაკუაცია მიმდინარეობს.

BBC-ის რუსული სამსახურის ცნობით, წინასწარი მონაცემებით, 27 ადამიანი გადაიყვანეს სოხუმის, ახალი ათონისა და გუდაუთის საავადმყოფოებში. მათ შორის 19 რუსი ტურისტი იყო.

აფეთქების მიზეზი ჯერჯერობით უცნობია. აფხაზეთის დე-ფაქტო რესპუბლიკის შინაგან საქმეთა სამინისტროს ცნობით, დაშავებულების სიცოცხლეს საფრთხე არ ემუქრება.

თვითმხილველებმა აფეთქების ამსახველი ვიდეო გაავრცელეს: