ბიძინა ივანიშვილის ფონდ ქართუს მიერ დაფუძნებული ქუთაისის საერთაშორისო უნივერსიტეტის (KIU) რექტორად გიორგი ხუბუა დაინიშნა.

ინფორმაციას ამის შესახებ მთავრობის ადმინისტრაცია აცხადებს.

ხუბუას დღეს საქართველოს პრემიერ-მინისტრი ირაკლი კობახიძე შეხვდა.

"შეხვედრისას საუბარი შეეხო გეგმებს ქუთაისის საერთაშორისო უნივერსიტეტში ახალი საგანმანათლებლო პროგრამების განვითარების მიმართულებით", — ნათქვამია საქართველოს მთავრობის ფეისბუქ პოსტში.

2006-2010 წლებში, ხუბუა ივანე ჯავახიშვილის სახელობის თბილისის სახელმწიფო უნივერსიტეტის რექტორი იყო, რომლის გადადგომაც ბიბლიოთეკიდან რარიტეტული წიგნების დაკარგვასთან დაკავშირებულმა მოვლენებმა განაპირობა. თვითონ ხუბუა ამ ფაქტს კატეგორიულად უარყოფდა.