ტელეკომპანია პირველის ინფორმაციით, ამერიკის მიერ დასანქცირებულ მაღალჩინოსნებს შორის განსაკუთრებულ დავალებათა დეპარტამენტის უფროსი, ზვიად ხარაზიშვილია (ხარება), ოჯახთან ერთად.

პირველების ინფორმაციით, ხარაზიშვილს ამერიკის მოქმედი ვიზა აქვს, შესაბამისად, მას ვიზის გაუქმების შესახებ მეილზე შეტყობინება მიღებული უნდა ჰქონდეს.

მანამდე ტელეკომპანიამ გაავრცელა ინფორმაცია, რომ დასანქცირებულია მამუკა მდინარაძეც. მდინარაძეს ვიზა არ აქვს, შესაბამისად, ვიზის მიღების მცდელობის შემდეგ გაიგებს, რომ მის აღებას ვერ შეძლებს.

"პირველების" ინფორმაციით, კვირის ბოლომდე გახდება ცნობილი ყველა სანქცირებული პირის შესახებ ინფორმაცია.