სომხეთმა ოფიციალურად აღიარა პალესტინის სახელმწიფო.

პარასკევს, 21 ივნისს საგარეო საქმეთა სამინისტრომ ღაზაში ვითარებას კატასტროფული უწოდა.

"სომხეთი კატეგორიულად გმობს სამოქალაქო ინფრასტრუქტურაზე თავდასხმას, ძალადობას მშვიდობიანი მოსახლეობის მიმართ და მშვიდობიანი მოსახლეობის მძევლად აყვანას შეიარაღებული კონფლიქტის დროს, უერთდება საერთაშორისო საზოგადოების მოთხოვნებს მათი უპირობო გათავისუფლების შესახებ“.

მათ, ასევე, აღნიშნეს, რომ ერევანმა მხარს უჭერს ისრაელ-პალესტინის კონფლიქტის ორი სახელმწიფოს პრინციპით გადაწყვეტას.

ამ თემაზე ვრცლად: დასავლეთი ისრაელი-პალესტინის კონფლიქტის დასრულებას 2 სახელმწიფოს პრინციპით განიხილავს — რას ნიშნავს

პალესტინის სახელმწიფო საინფორმაციო სააგენტოს, Wafa-ს მიერ გამოქვეყნებულ განცხადებაში, პალესტინის ხელისუფლება მიესალმა სომხეთის გადაწყვეტილებას და მას "მამაცი და მნიშვნელოვანი" უწოდა.

ისრაელი მომხდარს სომხეთის ელჩის "მკაცრი საყვედურისთვის" დაბარებით გამოეხმაურა.

2020 წელს სომხეთმა გაიწვია თავისი ელჩი ისრაელიდან, აზერბაიჯანისთვის იარაღის მიყიდვის წინააღმდეგ პროტესტის ნიშნად. 2022 წელს სომხეთმა აღადგინა დიპლომატიური წარმომადგენლობა ისრაელში.

სომხეთი არის გაეროს წევრი ბოლო ქვეყანა, რომელმაც წელს პალესტინა აღიარა. დანარჩენმა 8 ქვეყანამ, მათ შორის, ესპანეთმა, ნორვეგიამ და ირლანდიამ, პალესტინის სახელმწიფოებრიობა 2024 წლის აპრილში აღიარეს.

მაისში ისრაელის პრემიერ-მინისტრმა ბენიამინ ნეთანიაჰუმ დაგმო ევროპული ქვეყნების მიერ პალესტინის სახელმწიფოს აღიარება და "ტერორიზმის დაჯილდოებად" შეაფასა.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.