შეფასებისა და გამოცდების ეროვნული ცენტრის დირექტორმა, მაია მიმინოშვილმა დღეს, 27 ივლისს გამართულ ბრიფინგზე განაცხადა, რომ ზოგადი უნარების გამოცდაში აბიტურიენტთა 15 პროცენტმა ზღვარი ვერ გადალახა. მათგან, 12 პროცენტი ქართულენოვანი და 3 პროცენტამდე არაქართულენოვნები იყვნენ:

"მონაცემების მიხედვით, ზოგადი უნარების მესამე ვარიანტი აღმოჩნდა უფრო რთული ვიდრე დანარჩენი".

დღეს დაიწყო პირველადი შედეგების გამოქვეყნება. 31 ივლისიდან, სხვა გამოცდების პირველადი შედეგებიც გამოქვეყნდება. მიმინოშვილის ცნობით, 2017 წლის გამოცდებზე რეგისტრირებული იყო 41 ათასი აბიტურიენტი, აქედან, საატესტატო გამოცდების ჩაუბარებლობის გამო 39 ათას აბიტურიენტს შეეძლო გამოცდაზე გასვლა.