თუ სამეფო კარის თამაშების მეორე სერია უკვე ნახეთ, მაშინ ძალიან კარგად დაგამახსოვრდებოდათ ციტადელის ეპიზოდი, როდესაც სერ ჯორა მორმონტი დრაკონების დედას, დაენერის ტარგარიენს წერილს სწერს, რომლის ფინალიც საბოლოოდ ადასტურებს იმას, რაც ისედაც ყველამ ძალიან კარგად ვიცოდით.

"ხალისი,

უკანასკნელ იმედად ციტადელში მოვედი, აქაური მაესტერები ჩემს განკურნებას ცდილობენ, როგორც შენ მიბრძანე. მაგრამ რაც არ უნდა ქნან, ვშიშობ ჩემი საშველი არ არსებობს. ძალიან გრძელი ცხოვრება მქონდა, სანამ გავნადგურდებოდი, თუმცა ახლა ერთადერთი ოცნება მაქვს, მსურს ვნახო და ვიცხოვრო სამყაროში, რომლის აშენებასაც შენ აპირებ, მსურს ვიდგე შენს გვერდით. მიყვარხარ იმ მომენტიდან, როგორც კი დაგინახე", წერს დაენერისს ჯორა მორმონტი.

ჯერ არ ვიცით ოდესმე მიიღებს თუ არა დაენერისი მისგან დაფრენდზონებული ჯორასგან ამ წერილს, მაგრამ ვიცით რომ ის ამ სეზონის განმავლობაში კიდევ გამოჩნდება.

იმედი ვიქონიოთ, რომ სემი მის გადარჩენას შეძლებს და მორმონტი მოესწრება იმ სამყაროს ნახვას, რომლის აშენებასაც დაენერისი აპირებს. იმედი ვიქონიოთ, რომ დრაკონების დედოფალს რკინის ტახტისთვის ბრძოლაში სერსეი ლანისტერი ვერ აჯობებს და ჯორა მორმონტს ასე მაინც გავახარებთ.