მოკლედ: საქართველოს პროკურატურის ინფორმაციით, სამოქალაქო აქტივისტის, ანა სუბელიანის მამის მიმართ, ჯანმრთელობის განზრახ მსუბუქი დაზიანების ფაქტზე, ერთ პირს ბრალდება წარუდგინა.

დეტალები: როგორც განცხადებაშია აღნიშნული, შინაგან საქმეთა სამინისტროს გამოძიებით დადგინდა, რომ

  • 11 მაისს, ქ. თბილისში, სიტყვიერი შელაპარაკებისას, ბრალდებულმა პირადი განაწყენების ნიადაგზე, შურისძიების მოტივით, მის მეზობელს სახის არეში ხელი დაარტყა, შედეგადაც, დაზარალებულმა ჯანმრთელობის მსუბუქი დაზიანება მიიღო.
  • პროკურატურამ ბრალდებულის მიმართ აღკვეთის ღონისძიების შეფარდების შუამდგომლობით სასამართლოს უკვე მიმართა.

ბოლო ხაზი: 11 მაისს ანა სუბელიანმა ფეისბუქზე გამოაქვეყნა მამის ფოტოები წარწერით: "ჩემი 73 წლის მამა მიცემეს! ვიცი, ვინც სცემა."