მოკლედ: სასამართლომ ბრალდებულად ცნო პირი, რომელიც ლილო მოლის ტერიტორიაზე შეკვეთით განზრახ მკვლელობის ფაქტზეა ბრალდებული.

  • ინფორმაციას პროკურატურა ავრცელებს.

დეტალები: უწყების ინფორმაციით, მტკიცებულებებით დადგინდა, რომ:

  • საზღვარგარეთ მყოფი პირი, რომელიც მკვლელობის დამკვეთია, ე.წ. კრიმინალური ავტორიტეტების სახელით, ლილო მოლის მოვაჭრეებს თანხას სძალავდა.
  • ერთ-ერთმა მოვაჭრემ მას თანხის გადახდაზე უარი უთხრა, რის გამოც გამომძალველმა მის მოსაკლავად ადამიანი დაიქირავა.
  • დაქირავებულმა პირმა (რომელიც უკვე მსჯავრდადებულია), მკვლელობისთვის ცეცხლსასროლი იარაღი და თანხა დამკვეთის მეგობრისგან მიიღო.
  • 2023 წლის 3 აგვისტოს, მსჯავრდადებულმა, ლილო მოლის მიმდებარედ, ცეცხლსასროლი იარაღით თავის არეში მიაყენა ჭრილობები მოვაჭრეს, რომელსაც თანხის გადახდა არ სურდა, შემდეგ კი ადგილიდან მიიმალა.
  • მძიმედ დაჭრილი კაცი 17 აგვისტოს გარდაიცვალა.
  • სამართალდამცველებმა დანაშაულის ჩამდენი პირი იმავე დღეს დააკავეს.

მას ბრალდება წარუდგინეს მუხლებით, რომელიც გულისხმობს განზრახ მკვლელობას შეკვეთით და ცეცხლსასროლი იარაღის მართლსაწინააღმდეგო შეძენა-შენახვა-ტარებას.

თბილისის საქალაქო სასამართლომ ბრალდებული დამნაშავედ ცნო და უვადო პატიმრობა შეუფარდა.

ბოლო ხაზი: ლილო მოლის ტერიტორიაზე მომხდარი შეკვეთით განზრახ მკვლელობის საქმეზე ბრალდება კიდევ ორ პირს აქვს წარდგენილი, ერთ პირს შეკვეთით და ანგარებით განზრახ მკვლელობის, ხოლო მეორეს — შეკვეთით განზრახ მკვლელობაში დახმარების მუხლებით.

  • თბილისის საქალაქო სასამართლოში სისხლის სამართლის საქმეების არსებითი განხილვა მიმდინარეობს.