ჰოლივუდის ვარსკვლავი, ოსკაროსანი ჯულიანა მური ამბობს, რომ ოჯახი მისთვის სამყაროს ცენტრია.

56 წლის მსახიობი, რომელსაც ბარტ ფრაუდლიხისგან 19 წლის ბიჭი ქალები და 15 წლის გოგო ლივი ჰყავს, ერთ-ერთ ინტერვიუში ამბობს, რომ ბავშვებმა მის ცხოვრებას ახალი აზრი მისცეს:

"ჩემი ქმარი და ჩემი ორი შვილი ჩემთვის სამყაროს ცენტრი არიან. ბავშვების გაჩენამ ჩემი ცხოვრება გაამდიდრა იმაზე მეტად, ვიდრე ამას ოდესმე წარმოვიდგენდი. ახლა ვერც კი წარმომიდგენია, რომ ოდესმე შეიძლება დიდი ხნით დავტოვო ისინი, ჩემი წესები, ჩემი ცხოვრების სტილი მთლიანად მათზეა აწყობილი, ვერასდროს გავძლებ ორ კვირაზე მეტს მათ გარეშე და იმ შემთხვევაშიც კი, თუ შანსი მაქვს, გადაღებებს შორის ყველა უიქენდს სახლში ვატარებ. მქონდა პერიოდი, როდესაც სულ გარეთ ვიყავი, ახლა კი ყველაზე კომფორტულად სახლში ვგრძნობ თავს, ჩემს ოჯახთან ერთად, ტელევიზორთან მოკალათებული. შეიძლება ეს იმის ბრალია, რომ ვბერდები, მაგრამ რაც არის ეს არის, ახლა ყველაზე კარგად ვარ", ამბობს მური.