მოკლედ: სპეციალური საგამოძიებო სამსახურის ინფორმაციით, ბრალდებულმა 2023 წლის სექტემბერში, სოციალური ქსელით 13 წლის გოგონა გაიცნო, რომელსაც შიშველი სხეულის ამსახველი ფოტო/ვიდეო კადრების გადაღება და გაგზავნა მოსთხოვა.

დეტალები: წინააღმდეგ შემთხვევაში კი სკოლასთან დახვედრით და ფიზიკური ანგარიშსწორებით დაემუქრა.

  • როგორც საგამოძებო სამსახურში ამბობენ, შეშინებულმა არასრულწლოვანმა ბრალდებულს ინტიმური შინაარსის კადრები გაუგზავნა.
  • ამის შემდეგ, ბრალდებული გოგონას აღნიშნული ფოტო/ვიდეო მასალის ახლობლებთან გავრცელებით ემუქრებოდა.
  • მას შემდეგ, რაც გოგონას დედამ ამ ფაქტის შესახებ გაიგო, მან დანაშაულზე რეაგირებისთვის სპეციალურ საგამოძიებო სამსახურს მიმართა.
  • ბრალდებული ამჟამად დაკავებულია. მას ბრალად ედება პირადი ცხოვრების საიდუმლოს ხელყოფა, სექსუალური ხასიათის ქმედების იძულება.
  • დანაშაული 15 წლამდე თავისუფლების აღკვეთას ითვალისწინებს.