დიდ ბრიტანეთში, 2017 წლის ივლისში, ბანგლადეშურ ნაციონალურ სამოსში გამოწყობილმა ახალგაზრდა წყვილმა იქორწინა, რითაც ისინი ისტორიაში შევიდნენ, როგორც პირველი მუსლიმი გეი წყვილი, რომელთაც ერთმანეთთან უკვე კანონი აკავშირებთ.

აღნიშნული ფაქტი საკმარისი გახდა იმისათვის, რომ წყვილის მიმართ საზოგადოების გარკვეულ ნაწილს არნახული სიძულვილი გამოეხატა. გადაცემა This Morning-ში, 24 წლის ჯაჰედ ჩაუდჰარიმ თქვა, რომ მათ მუქარის წერილები მოსდით და გარდა ამისა, ურეკავენ და სიტყვიერ შეურაცხყოფასაც აყენებენ.

"ჩვენი აზრით, ადამიანები, რომლებიც ამას აკეთებენ ან უარყოფითად განწყობილი მუსლიმები არიან, ან უბრალოდ ჰომოფობები", ამბობს ჩაუდჰარი.

ის რომ შესაძლებელია იყო მუსლიმი, მართლმადიდებელი თუ კათოლიკე და ამავდროულად გქონდეს განსხვავებული სექსუალური ორიენტაცია, წესით განხილვის საგანი არ უნდა იყოს, თუმცა როგორც აღმოჩნდა მალევე გამოჩნდნენ ადამიანები, რომლებიც სხვების ბედნიერებამ შეაწუხა და მათ ცხოვრებაში ცხვირის ჩაყოფა გადაწყვიტეს.

"მე ყოველთვის ვიყავი გეი და ყოველთვის ვიყავი მუსლიმი, ეს არასდროს შეიცვლება", ამბობს 24 წლის ჯაჰედი.