მოკლედ: თბილისის მერიის ცნობით, ვასო გოძიაშვილის ქუჩაზე, წყალსადენი მილის დაერთების სამუშაოების გამო, რომელიც ორ ეტაპად ჩატარდება, 6-დან 20 დეკემბრამდე ავტოსატრანსპორტო საშუალებების მოძრაობა ნაწილობრივ შეიზღუდება.

  • შეზღუდვა 23:00-დან 07:00 საათამდე პერიოდში იმოქმედებს.

დეტალები: პირველ ეტაპზე, ავტომობილების გადაადგილება შეიზღუდება გოძიაშვილის ქუჩაზე — მუხრან მაჭავარიანისა და გოძიაშვილის ქუჩების კვეთიდან, ვალენტინ თოფურიძისა და გოძიაშვილის ქუჩების კვეთამდე არსებულ საგზაო მონაკვეთში.

  • ავტომობილები გადაადგილებას შეძლებენ ცალმხრივად, მხოლოდ თოფურიძის ქუჩიდან მაჭავარიანის ქუჩის მიმართულებით თოფურიძისა და გოძიაშვილის ქუჩების კვეთიდან, მუხრან მაჭავარიანისა და გოძიაშვილის ქუჩების კვეთის მიმართულებით.
  • მაჭავარიანის ქუჩიდან თოფურიძის ქუჩის მიმართულებით, მაჭავარიანისა და გოძიაშვილის ქუჩების კვეთიდან, თოფურიძისა და გოძიაშვილის ქუჩების კვეთის მიმართულებით ავტომობილები გადაადგილებას შეძლებენ მაჭავარიანის, თოფურიძის შესახვევისა და თოფურიძის ქუჩების გამოყენებით.

ბოლო ხაზი: მეორე ეტაპის სამუშაოებისას, 11-დან 20 დეკემბრამდე პერიოდში, გადაადგილება შეიზღუდება გოძიაშვილის IV შესახვევში და ავტომობილები მოძრაობას შეძლებენ გოძიაშვილის ქუჩაზე ორმხრივად.