პოლიტიკო წერს, რომ დღეს ევროკომისიისგან საქართველო კარგ ამბებს მიიღებს — გამოცემა 2 წყაროზე დაყრდნობით ამბობს, რომ ევროკომისრები საქართველოსთვის ევროკავშირის კანდიდატი ქვეყნის სტატუსისთვის რეკომენდაციას გასცემენ.

რას ელოდებიან მოლდოვა და უკრაინა: ევროკომისიის წევრები შეთანხმდნენ, რომ მისცემენ ევროკავშირს რეკომენდაციას, დაიწყონ გაწევრიანებისთვის მოლაპარაკებები უკრაინასთან და მოლდოვასთან, თუმცა იმ პირობით, რომ ქვეყნები კანონის უზენაესობასთან დაკავშირებით, რეფორმებს გაატარებენ.

რა გადაწყდა ბოსნია და ჰერცეგოვინასთან დაკავშირებით: პოლიტიკოს წყაროები ინფორმაციით, ჯერ არ არის გადაწყვეტილი, დაიწყებენ თუ არა გაწევრიანებისთვის მოლაპარაკებებს ბოსნია და ჰერცეგოვინასთან, თუმცა, ევროკომისრებს დღეს მოუწევთ გადაწყვეტილების მიღება, დაიწყონ თუ არა სარაევოსთან იგივე პროცესი, რასაც ისინი კიევთან და კიშინიოვთან გეგმავენ.

მათ, შესაძლოა მიიჩნიონ, რომ მოლაპარაკებები მოგვიანებით დაიწყონ — მას შემდეგ, რაც კანონმდებლობასთან დაკავშირებულ რეფორმებს გაატარებენ, — იუწყება გამოცემა.