რა ხდება: გერმანია არალეგალური მიგრანტების ქვეყნიდან გაძევებას აანონსებს.

  • კანცლერი ოლაფ შოლცი შპიგელთან ინტერვიუში ამბობს, რომ საქართველოს და მოლდოვას უსაფრთხო ქვეყნებად მიიჩნევს და ვარაუდობს, რომ აქ სისტემური შევიწროება არ ხდება.
  • კითხვაზე, უნდა აქცევდეს თუ არა გერმანია მეტ ყურადღებას, თუ ვინ შედის ქვეყანაში, კანცლერი ამბობს, რომ მთავრობა ამას "დიდი ხანია აკეთებს", თუმცა ახლა უფრო მეტად დიფერენცირებული იქნება.

ვის გამოაძევებენ და ვის დატოვებენ გერმანიაში: შოლცის თქმით, ერთი მხრივ, ქვეყანაში გერმანიისთვის საჭირო მუშახელი შედის მუშახელი, თუმცა, არიან ადამიანებიც, რომლებიც პოლიტიკური წნეხის გამო ითხოვენ თავშესაფარს.

  • "თუ ვინმე ამ ორი ჯგუფიდან არცერთს მიეკუთვნება, გერმანიაში ვეღარ დარჩება. სწორედ ამიტომ ვამკაცრებთ უკანონო მიგრაციას გერმანიაში, ძალიან ბევრი ადამიანი ჩამოდის," - თქვა შოლცმა.
  • კითხვაზე, როგორ აპირებენ ემიგრანტების რაოდენობის შემცირებას, "ზომების მთელი პაკეტით", — ამბობს კანცლერი.

რა თქვა საქართველოზე?

  • "ჩვენი კლასიფიკაციით, საქართველო და მოლდოვა წარმოშობით უსაფრთხო ქვეყნებია. ორივეს სურს, გახდეს ევროპის კავშირის წევრი, ამიტომ, მიზანშეწონილი არ არის, ვივარაუდოთ, რომ ამ ქვეყნებში სისტემური შევიწროება ხდება.
  • ჩვენ ვაძლიერებთ ევროპის გარე საზღვრების დაცვას, რომ ნაკლებმა ადამიანმა შეძლოს ევროპაში შემოსვლა. შევთანხმდით ევროკავშირში სოლიდარობის ახალ მექანიზმზე— ლტოლვილები დარეგისტრირდებიან პირველივე ქვეყანაში, სადაც შევლენ, ნაცვლად იმისა, რომ ისინი გამოუშვან გერმანიაში. სანაცვლოდ, ისინი ევროპაში სამართლიანად გადანაწილდებიან. ევროპის პარლამენტი ამ მექანიზმს, იმედი მაქვს, უახლოეს თვეებში დაამტკიცებს" , — თქვა გერმანიის კანცლერმა შპიგელთან.

მონაცემებში:

  • ევროკომისიის ანგარიშში, რომელიც ევროპარლამენტსა და ევროპულ საბჭოს წარედგინა, წერია, რომ 2022 წელს, საქართველოს 26 450-მა მოქალაქემ მოითხოვა თავშესაფარი, რაც წინა წლების მაჩვენებლებზე მაღალია.
  • 2021 წელს ეს რიცხვი 14 635 იყო.
  • 2021 წლის მონაცემებთან შედარებით, 87%-ით, 11 695-დან 21 910-მდეა გაზრდილი საქართველოს იმ მოქალაქეების რიცხვიც, ვინც ევროკავშირის წევრ რომელიმე ქვეყანაში არალეგალურად იმყოფება.