მოკლედ: გამარჯვების კოალიციის (პარტიები: ერთიანი ნაციონალური მოძრაობა და სტრატეგია აღმაშენებელი) ლიდერები აშშ-ში გაემგზავრებიან.

  • პრესსამსახურის მიხედვით, შეხვედრებზე მთავარი საკითხები საქართველოს ევროინტეგრაციის პროცესი და კანდიდატის სტატუსი იქნება.

დეტალები: მათივე ცნობით, ამერიკის შეერთებულ შტატებში მიემგზავრებიან გიორგი ვაშაძე, პეტრე ცისკარიშვილი, თინა ბოკუჩავა, სერგო ჩიხლაძე და ალექსანდრე კრევო - ასათიანი.

  • შეხვდებიან კონგრესის, სენატისა და სახელმწიფო დეპარტამენტის წევრებს.
  • გიორგი ვაშაძის თქმით, აშშ-ში ქართველი ხალხის ინტერესებს კიდევ უფრო ნათლად წარმოაჩენენ
  • და ისაუბრებენ ისეთ საკითხებზე, როგორიცაა: თავისუფალი ვაჭრობა, საქართველოს უსაფრთხოების გამოწვევები და სხვა.
  • "როცა ხელისუფლებას უნდა, რომ საქართველო რუსეთისკენ შეატრიალოს, ჩვენი ვალდებულებაა, ქართველი ხალხის ხმა ჩავიტანოთ, რომ საქართველოს მეტი ურთიერთობა სჭირდება ამერიკასთან", — ამბობს ვაშაძე.

რა არის გამარჯვების კოალიცია?

  • 2023 წლის სექტემბრიდან, ასე მოიხსენიებს ენმ და სტრატეგია აღმაშენებელი მათ გაერთიანებას.
  • მიზნად პროევროპული ერთიანობა და საქართველოს ევროკავშირში გაწევრებისთვის ბრძოლა დაასახელეს.
  • და ამბობენ, რომ "ბრძოლაში ვინც თავის თავს ხედავს და ვინც ჩაერთვება, კარი ყველასთვის ღიაა".