მოკლედ: ისრაელის საელჩო საქართველოში "უსაფუძვლო ინფორმაციას" უწოდებს ცნობას, თითქოს, ისრაელის საერთაშორისო აეროპორტი იკეტება.

რას ამბობენ?

  • "როგორც ცნობილია კომპანია “ჯორჯიან ეარვეისმა” განაცხადა, რომ კომპანია 22 ოქტომბრიდან აჩერებს ფრენებს თელ ავივის მიმართულებით, რაც დაკავშირებულია საერთაშორისო სადაზღვევო კომპანიების ცალკეულ რეგულაციებთან.
  • თუმცა ისრაელში მცხოვრები თანამემამულეების და სხვა დაინტერესებული საზოგადოებისთვის განვმარტავთ, რომ თბილისის მიმართულებით პირდაპირ ფრენებს ინარჩუნებენ და რეგულარულად ახორციელებენ ისრაელის ავიაკომპანიები:
  • ელ ალი
  • ისრეარი
  • აირკია."

საელჩო, ასევე, წერს, რომ კომპანია “ჯორჯიან ეარვეისი” ამატებს ყოველდღიურ რეისებს ლარნაკა-თბილისის მიმართულებით და ამ ტრანზიტული მარშრუტით სარგებლობა ასევე შეეძლებათ ისრაელიდან საქართველოში გამგზავრების მსურველებს.

საელჩოს განცხადებას თან ახლავს ფრენების განრიგიც.