თა­ნა­მედ­რო­ვე რაგ­ბი მემ­კვიდ­რე­ო­ბაა, რო­მე­ლიც მო­მა­ვალ თა­ო­ბებს ღირსეულად უნდა გადავცეთ. თი­ბი­სის კი ამ ეროვ­ნულ საქ­მე­ში მნიშ­ვნე­ლო­ვანი წვლილი შეაქვს და უკვე წლებია, რაც ის სა­ქარ­თვე­ლოს რაგ­ბის კავ­ში­რის და ეროვ­ნუ­ლი ნაკ­რე­ბის მხარდამჭერია. პარტნიორობის მიზანია რაგბის განვითარება, პოპულარიზაცია და სხვადასხვა ასაკობრივ ნაკრებთა ხელშეწყობა.

ახლა კი, ერთად გამოვარკვიოთ, როგორ დასრულდა საქართველოს ეროვნული ნაკრების მოგზაურობა მსოფლიო ჩემპიონატზე და რას წერს საერთაშორისო მედია ბორჯღალოსნებზე.

რაგბის მსოფლიო ჩემპიონატი 2023 რიგით მე-10 ამაღელვებელი გამოცემაა, რომელსაც საფრანგეთმა უმასპინძლა. მიუხედავად იმისა, რომ საქართველოს მოგზაურობა გამარჯვებით არ დასრულებულა, ბორჯღალოსნებმა მსოფლიო თასზე დიდი მონდომება, ძალისხმევა, სპორტული სანახაობა და დიდი განვითარება აჩვენეს.

ჩემპიონატის დაწყებამდე 1 თვით ადრე ავსტრალიის ყველაზე დიდმა სპორტულმა გამოცემამ, The Roar-მა მსოფლიო ჩემპიონატის C ჯგუფს სიკვდილის ჯგუფი უწოდა, რომელშიც ავსტრალიის ნაკრები საქართველოსთან, უელსთან, ფიჯისთან, და პორტუგალიასთან ერთად ასპარეზობდა.

ჩემპიონატის შემდეგ საქართველოს გამოსვლა შეუმჩნეველი არ დარჩენილა რაგბის საერთაშორისო საზოგადოებისთვის. უელსის ეროვნული ნაკრების მწვრთნელი უორნერ გატლანდი მიიჩნევს, რომ საქართველომ მკვეთრად გააუმჯობესა ისტორიულად მხოლოდ ბოჭვის ირგვლივ ორიენტირებული თამაში და ბორჯღალოსნებს ჰქონდათ დივერსიფიცირებული სტრატეგიები, რამაც ნაკრები შესანიშნავ მეტოქედ აქცია. მათთვის ფიჯისთან შერკინება გადამწყვეტი აღმოჩნდა და დაძაბული თამაში მოულოდნელი შედეგით დასრულდა. მიუხედავად იმისა, რომ ფიჯის ნაკრებთან ბორჯღალოსნები 17-12-ით დამარცხდნენ, საქართველოს გუნდმა ტურნირზე წარუშლელი კვალი დატოვა.

The Roar

საერთაშორისო მედიამ და რაგბის ექსპერტებმა მსოფლიო თასის განვლილი წრე გაანალიზეს და მათგან, ვინც ჩემპიონატს გამოეთიშა, საუკეთესო გუნდები დაასახელეს. The Roar-ის აზრით, ტურნირის განმავლობაში ავსტრალია, სამოა და საქართველო ყველაზე ძლიერი ასპარეზით გამოირჩეოდნენ.

Balls Media

ირლანდიის ერთ-ერთი უდიდესი სპორტული ჟურნალის თქმით, საქართველო-პორტუგალიის მატჩის შემდეგ საერთაშორისო რაგბის გულშემატკივარი ორივე გუნდის 6 ერის კონკურსში რაიმე ფორმით ჩართვას დაჟინებით მოითხოვს. იმის გათვალისწინებით, რომ იტალია ვერ ახერხებს თამაშის გაუმჯობესებას, მის ჩასანაცვლებლად ყველაზე ხშირად საქართველოზე საუბრობენ. ამან ხაზი გაუსვა ჩვენი ქვეყნის, როგორც საერთაშორისო რაგბის მზარდი ძალის აღიარებას.

The Daily Mail

ბრიტანული ყოველდღიური გაზეთი The Daily Mail-ი ტონგას, სამოას, პორტუგალიას და საქართველოს ასპარეზობას გამოარჩევს, ხოლო მსოფლიო რაგბის პრეზიდენტი, ბილ ბომონტი ამ კვარტეტს ურუგვაის და ჩილეს ამატებს. ის ყველას არწმუნებს, იმის მიუხედავად, რომ პორტუგალია, სამოა, ტონგა, ურუგვაი, ჩილე და საქართველო შემდეგ ეტაპზე ვერ გადავიდნენ, მათ გამოსვლას არავინ დაივიწყებს და ამ ქვეყნების გუნდებს რეგულარულად ჩართავენ მაღალი დონის ტურნირებში.

სტატისტიკა:

2023 წლის რაგბის მსოფლიო თასზე საქართველოს შთამბეჭდავი გამოსვლა სტატისტიკით კიდევ უფრო გამოიკვეთა:

• ტოპ 5 დომინანტი გუნდი ბოჭვებში — ბოჭვებში დომინანტი გუნდების კატეგორიაში საქართველო მეორე ადგილზე დაპოზიციონირდა და მხოლოდ სამხრეთ აფრიკას ჩამორჩა.
• ტოპ 10 დარტყმა და ტოპ 10 გარბენილი მეტრი — გამორჩეული შესრულებით გამოირჩეოდა დავით ნინიაშვილი, რომელმაც ტოპ 10 დარტყმაში დაიკავა მესამე ადგილი 888 მეტრით, ხოლო გარბენილი მეტრის ტოპ 10-ეულში 402 მეტრით — მეორე ადგილი.
• ტოპ 5 მბოჭავი — ხუთეულში მოხვდა თორნიკე ჯალაღონია, რომელმაც 62 ბოჭვით მეოთხე ადგილი დაიკავა.
• ტოპ 10 წარმატებული ბოჭვა — საქართველომ 600 წარმატებული ბოჭვით მესამე ადგილი დაიკავა.

საერთაშორისო მედიის მიერ გაშუქებული ნებისმიერი საექსპერტო ანალიზით, რამდენიმე ქვეყანას შორის საქართველო ერთ-ერთია, რომელიც ფლეი-ოფში ვერ მოხვდა, თუმცა მაღალი დონის თამაში აჩვენა.