პარტია ქართული ოცნების თბილისის მერობის კანდიდატი კახა კალაძე იქნება. ამის შესახებ, ჟურნალისტებს პარტიის ერთ-ერთმა ლიდერმა არჩილ თალაკვაძემ განუცხადა. პოლიტსაბჭომ, რომელიც ამ წუთებში მიმდინარეობს, ერთხმად დაუჭირა მხარი კალაძის კანდიდატურას:

"მერობის კანდიდატი იქნება ჩვენი გუნდის ერთ-ერთი ძლიერი და წარმატებული პოლიტიკოსი, ახალგაზრდა თანამედროვე ადამიანი, კახა კალაძე. ეს გადაწყვეტილება მიიღო პოლიტსაბჭომ". - განაცხადა არჩილ თალაკვაძემ და დაამატა, რომ პოლიტსაბჭოზე იმ პროექტებზეც იმსჯელეს, რაც თბილისში უნდა განხორციელდეს, კალაძის გამარჯვების შემთხვევაში:

"საზოგადოებას ვარწმუნებთ, რომ უახლოეს მომავალში თბილისი შეიძენს განვითარების ახალ ტემპებს, სადაც თბილისში არსებული ტრადიციები და ევროპული თბილისი იქნება საუკეთესო სახით წარმოდგენილი".